हो महानायक हमाल नेफ्टा अवार्डमा आफ्नो पुरानो हिट गीतमा फेरी एकपटक नृत्य प्रस्तुत गर्दैछन । उनलाई अर्की अभिनेत्री मलिन जोशीले नृत्यमा साथ् दिदै छिन । हमालको नृत्य रिहलशर्लमा समेत मलिना संगै मुस्कुराउदै उनलाई साथ् दिदै थिईन ।राष्ट्रिय नाचघरको प्रेक्षालयमा डान्स रिहर्सलका लागि हमाल क्याजुअल गेटअपमा पुगेका थिए । हमालले आफु पहिलोपटक कुनै अवार्डमा नाच्न लागेको र अलग अनुभूति भैरहेको बताए । हमालले भने, ‘पोहोर व्यक्तिगत कारणले कतार जान सकिँन तर, यसपटकको अवार्डलाई सफल बनाउन मेरो योगदान हुनेछ ।

’ नेफ्टासँग आफ्नो भावनात्मक सम्बन्ध रहेको पनि उनले बताए । मलेसिया अवार्डमा नेफ्टाले नै उनलाई महानायक उपाधि दिएको थियो ।उता नेफ्टा अध्यक्ष पुष्कर लामाले अवार्डको अन्तिम तयारी भैरहेको बताए । ‘नेफ्टा फिल्मलाई अन्तराष्ट्रियकरण गर्ने र अवार्डलाई क्वालिटी तुल्याउने काममा प्रतिबद्ध छ’ लामाले भने, ‘नेपालबाट १ सय २० सेलेव्रिटीसहितका पाहुना लगेर हामीले सभ्य र भव्य अवार्ड गर्नेछौं ।