द सिनेमा टाइम्स, काठमाडौं – बलिउड अभिनेता अक्षय कुमारलाई मातृशोक परेको छ । उनकी आमा अरुणा भाटियाको ७७ वर्षको उमेरमा निधन भएको हो ।

अक्षय स्वयंले सामाजिक सञ्जाल मार्फत आफ्नी आमाको निधन भएका जानकारी दिएका छन् । ‘उहाँ मेरो अस्तित्वको आधार हुनुहुन्थ्यो । आज म मेरो अस्तित्वमै असहनीय पीडा महशुस गरिरहेको छु । मेरी आमा श्रीमती अरुणा भाटियाले आज सहजरुपमा यो संसार छोडेर मेरो पितासँग फेरि भेट्न जानुभयो । म र मेरो परिवार जुन दुःखमा गुज्रिरहेका छौं । यसमा म तपाईंहरुको प्रार्थनाको सम्मान गर्छु । ओम शान्ति’, उनले ट्वीटर र इन्स्टाग्राममा लेखेका छन् ।

She was my core. And today I feel an unbearable pain at the very core of my existence. My maa Smt Aruna Bhatia peacefully left this world today morning and got reunited with my dad in the other world. I respect your prayers as I and my family go through this period. Om Shanti ??

— Akshay Kumar (@akshaykumar) September 8, 2021

अक्षयको आमालाई मुम्बईस्थित हिन्दुजा अस्पतालमा भर्ना गरिएको थियो । यसै कारण लण्डनमा सुटिङ भइरहेको सिनेमा ‘सिण्डरेला’को काम छोडेर अक्षय मुम्बई आएका थिए ।