बीएमसी विरुद्ध कंगनाले जितिन् मुद्धा


द सिनेमा टाइम्स, काठमाडौं- बम्बे हाई कोर्टले बलिउड अभिनेत्री कंगना रनावतको मुम्बईस्थित अफिस तोड्ने महानगरपालिकाको आदेशलाई खारेज गरेको छ । उच्च न्यायालयले महानगरपालिकाको नोटिसलाई खारेज गर्दै कंगनालाई क्षती भुक्तान गर्न आदेश दिएको छ ।

बीएमसीले ९ सेप्टेम्बरमा पाली हिल्सस्थित कंगनाको अफिसमा अवैध निर्माणको आरोप लगाएर एक भाग भत्काइदिएको थियो । उक्त समय कंगना मुम्बईमा थिइनन् । त्यसपछि कंगनाले बम्बे हाई कोर्टमा मुद्धा दर्ता गरेकी थिइन् । हालै बम्बे हाई कोर्टले बीएमसीको कारबाहीलाई रोक लगाएको छ ।

बम्बे हाई कोर्टले बीएमसीको एक्शन दुर्भावनापूर्ण रहेको बताउदै क्षती भुक्तान गर्न आदेश दिएको छ । कंगनाले याचिकामा बीएमसीसँग दुई करोड भारु जरिवाना मागेकी छन् ।

प्रतिक्रिया दिनुहोस्