केकी अधिकारी अभिनित ‘सिल्ली फो’को डविङ सकियो


द सिनेमा टाइम्स, काठमाडौं – आगमी असार ३१ गतेबाट प्रदर्शनमा आउने सिनेमा ‘सिल्ली फो’को डविङ सकिएको जानकारी निर्माण टिमले दिएको छ । राजबहादुर साने निर्देशित सिनेमाको केहीदिन अघि एक पोष्टर सार्वजनिक गर्दै रिलिज मितिको घोषणा गरिएको थियो । सिनेमाको सार्वजनिक पोस्टरले दर्शकमा कौतुहल्ता जगाउन सफल भएको निर्माण टिमको विश्वास छ ।

सिनेमामा केकी अधिकारी, धीरेन शाक्य, रवीन्द्र झा, राजाराम पौडेल, दिनेश रेग्मी, भुगोल कार्की, रमेश बजगाईं, अनिता लामिछाने, दीपक थापा, पुर्णचन्द्र पोखरेल(मामाजी), अनिता श्रेष्ठ, सरस्वती रम्जाली मगर, रेजिना थापा, राज गौतम (केशव), अम्बर बहादुर विष्ट(सागर), सौजन बोहोरा जयमन बिश्वकर्माको अभिनय रहेको छ ।

मनोज डिके निर्माता रहेको सिनेमामा विशाल श्रेष्ठ सह-निर्माता छन् । सिनेमामा दिव्य सुवेदी, वीरेन्द्र परियार, नरेन्द्र आलेको, छायांकन, देव महर्जनको द्वन्द्व, शिव विकको कोरियोग्राफी, पुरुषोत्तम न्यौपानेको संगीत, तारा थापा ‘किम्भे’को सम्पादन, अनन्त घिमिरेको कलर, मदन बास्तोलाको भीएफएक्स, साहिल खानको ट्रेलर,। वितरणको जिम्मा श्रीराम बालाजी फिल्मसले लिएको सिनेमाको डिजिटल राइट्स साइराम पिक्चर्सले किनेको छ ।

प्रतिक्रिया दिनुहोस्