द सिनेमा टाइम्स, काठमाडौँ – सन् २०१२ मा करण जोहर निर्देशित ‘स्टुडेन्ट अफ द ईयर’ले बलिउडमा तिन स्टार दियो । बक्सअफिसमा पनि सफल सिनेमाबाट डेब्यु गरेका वरुण धवन, आलिया भट्ट र सिद्दार्थ मलहोत्राले आफुलाई प्रमाणित गरिसकेका छन् ।
करण जोहर पुन: नयाँ स्टुडेन्ट लिएर यसको सिक्वेल बनाउँदै छन् । र, यसको नयाँ स्टुडेन्टमा स्थापित अभिनेता टाइगर श्रोफ रहेका छन् । करणले आफ्नो ट्वीटर अकाउन्टबाट सिनेमाको पहिलो पोस्टर सार्वजनिक गर्दै २०१८ मा नयाँ स्टुडेन्टका लागि भर्ना खुल्ने जानकारी दिएका छन् ।
The FRANCHISE continues!!!! The college opens its doors to a new Student! @iTIGERSHROFF #StudentOfTheYear2 directed by @punitdmalhotra @foxstarhindi @DharmaMovies @apoorvamehta18 …. pic.twitter.com/gl77UpU4bv
— Karan Johar (@karanjohar) November 20, 2017
सिनेमाका लागि अहिलेसम्म निर्माण कम्पनिले कुनै पनि अभिनेत्रीको नाम सार्वजनिक गरेको छैन । पहिलो भागमा दुई अभिनेता थिए भने यसपटक टाइगर सोलो अभिनेतामा रहनेछन । धर्मा प्रोडक्सन, फक्सस्टार र अपूर्भा मेहताको लगानी रहने सिनेमालाई पुनित मलहोत्राले निर्देशन गर्नेछन् ।
प्रतिक्रिया