द सिनेमा टाइम्स, काठमाडौं – सरोज खनाल निर्देशित सिनेमा ‘बगान’ यतिबेला चौथो हप्तामा प्रदर्शनरत छ । काठमाडौं भित्र र बाहिर गरेर डेढ करोडको हाराहारीमा यसले ग्रस कलेक्सन गरिसकेको छ । ‘जारी’पछि सबैभन्दा धेरै कलेक्सन गर्ने सिनेमा नै ‘बगान’ हो ।
भेट्रान अभिनेता खनालको डेब्यू निर्देशन रहेको सिनेमा फेमेली ड्रामा हो । उनी आफैँले धेरै ठाउँमा भनेका थिए सानो बजेटमा बनेको सिनेमा हो । सर्ट फिल्म भनेर सुरु गरेको सिनेमालाई फिचर फिल्मको लेन्थ दिएको हुँ ।
सिनेमामा महंगो कलाकार खासै कोही छैन । करिष्मा छन। सरोज आफैँ छन् । प्रमिाल कार्की छन् । प्रमिला नयाँ अनुहार हुन् नेपाली सिने जगतका लागि । निर्देशक खनाल आफ्नो कथा भन्नलाई मनाङ, मुस्ताङका पठार र कर्णाली पुगेका छैनन् । काठामाडौं वरिपरिकै जिल्लामा खिचेका छन् ।
निर्देशकले सिनेमाका लागि कथा भन्न सिंगल मदरको कथा रोजेका छन् । कथा नौलो त होइन । तर आम नेपालीको घरघरको कथा हो। घरघरको कथा त हो तर खासै वास्था नगरिएको । सिंगल मदरलाई नेपाली समाजले जस्तो व्यवाहार गर्छ । यो कथाको मूल आइडिया थियो । यसले जसरी सरोजको दिमाग खिच्यो त्यसैगरी दर्शकको पनि ।
सिंगल मदरलाई नेपाली समाजले अन्याय गरिरहेको छ । जुन गलत हो । तर, कोही बोल्दैन । किन भनेर जवाफ खोज्ने हो भने सम्भवत समाजको थिति भन्ने धेरैको जवाफ आउला । सबै सधैँ चुप बस्ने हो भने कसले बोल्छ ? सरोजको दिमागमा प्रश्न आयो । उनले सोचे अब बोल्नु पर्छ । निर्णय गरे मैं बोल्छु । सरोजले जानेको दृश्य भाषा हो । उनले निर्णय गरे सिनेमा बनाउँछु । यो कथा भन्ने सरोजको निर्णय अहिले सत्य सावित भइरहको छ ।
पछिल्लो समय प्रायः कमेडी सिनेमा दशर्कले मन पराइरहेका छन् । ‘छक्का पञ्जा’, ‘कबड्डी’ यसको उदाहरण हो । गत वर्षको बक्सअफिस रिपोर्टले पनि यसलाई पुष्टि गर्छ । गत वर्ष चलेका अधिकांश सिनेमा कमेडी जनराकै थिए ।
नेपाली समाजमा छोराले विवाह ग¥यो तर अल्पायुमै बुहारी बितिन् भने बुवाआमा, आफ्ना आफन्त, साथीभाइ, छरछिमेकलाई छोराकोविवाह गरिदिन हतारो हुन्छ । जब त्यही घरमा छोरा बिते भने बुहारीको विवाह गरिदिन्छन् ? विवाह गरिदिने त कल्पनाको कुरा त्यो सोच्नुपनि अपराध ठान्ने छन् । सरोजको ‘बगान’को मुख्य कथा यही हो । पितृसत्तात्मक सोच बोकेमा मान्छे घरघरमा छन्, त्यसलाई उनले सिनेमा देखाएका छन् । पछिल्लो समय पारिवारिक कथामा खासै धेरै सिनेमा बनेका छैनन् । त्यसैले सरोजले घरघरको कथा लिएर हलमा आए । सरोज सिनेमामा पारिवारिक कथा बोकेर आए, उनले लिएर आएको त्यही सिनेमाको कथा हेर्न दर्शक हलमा आए ।पछिल्लो समय दोस्रो दिनमै सिनेमा उत्रिरहेका बेला ‘बगान’ चार हप्तासम्म चलिरहेको छ । यसको अर्थ दर्शक पारिवारिक कथा पनि हेर्न चाहन्छन् भन्ने हो ।
सिनेमाको सुरुमा करिष्मा स्कुल जान्छिन् । उनको सानी छोरी छिन् । तर पनि उनी स्कुलको ड्रेस लगाएर साना बच्चा झैं ब्यागभरी किताबबोकेर स्कुल जान्छिन् । उनको उमेर र उनी पढ्ने कक्षा देखेर स्कुलमा विद्यार्थीदेखि छिमेकीसम्मले उनको कुरा काट्छन् । जिस्काउँछन् ।खिसिट्युरी गर्छन् । तर, उनी चुपचाप आफ्नो उद्देश्यमा हिँड्छिन् । छोरी स्कुल पढ्ने हुँदा उनी कलेज पढ्न जान्छिन् । पढाइ सकेपछिअन्ततः उनी एक गैरसरकारी संस्थामा जागिर खान थाल्छिन् । जहाँ उनको भेट हुन्छ सरोज खनालसँग । अनि उनीहरू दुई एकअर्कासँग नजिकिन्छन् । यो कथा आजको समाजको होइन र ? हो । उमेर ढल्किसकेपछि स्वंय करिष्मा स्कुल गएकी हैनन् र ? हो । सायद यहीयथार्थ दर्शकले रुचाए । जुन आफैँले समाजमा देखिरहेका छन् ।
त्यसो त सदाबहार नायिका करिष्मालाई दर्शकले हलमा पनि लामो समयपछि देखेका हुन् । सरोज आफैँमा काबिल अभिनेता भैगए । उनीहरूको अनस्क्रिन जोडी पनि दर्शकले लामो समयपछि देख्न पाएका हुन् ।
अभिनयमा काविल सरोजले आफू निर्देशनमा पनि काविल बन्न सक्छु भन्ने सम्भावनाको ढोका मात्रै खोलेका छैनन्, फेमेली ड्रामा अहिलेपनि दर्शकले मन पराउँछन् भनेर प्रमाणित गरिदिएका छन् ।
प्रतिक्रिया