द सिनेमा टाइम्स, काठमाडौँ – आगामी वर्षको जनवरी महिना अहिले अक्षय कुमारका कारण चर्चामा छ । कारण, यो महिनामा अक्षय कुमार स्टारर २ सिनेमा एक आपसमा भिड्दैछन् ।
जनवरी २५ मा ‘२.०’ र २६ मा ‘प्याडम्यान’ आउने भएपछी यतिबेला बलिउड तरंगित बनेको छ । केहि दिन अगाडी मात्र अक्षयले आफ्नो ट्वीटर अकाउन्टबाट ‘प्याडम्यान’को अफिसियल डेट सार्वजनिक गरे ।
Not all superheroes come with capes! Bringing you the true story of a real superhero, #Padman this Republic Day – 26th January, 2018! pic.twitter.com/hcEcJPO6Up
— Akshay Kumar (@akshaykumar) October 29, 2017
उता रजनिकांत र अक्षय स्टारर ‘२.०’ले पनि २५ को डेटबाट पछाडी नहट्ने अडान राखेको छ । भारतीय मिडियाका अनुसार ‘२.०’मा मेकरले २५ को डेटबाट आफु पछाडी नहट्ने बताएका छन् । ‘२.० ‘लाई विश्वव्यापी १० हजार हलमा रिलिज गर्ने ‘२.०’ को टार्गेट छ ।
पछिल्लो समय बक्सअफिसको सफलता शिखर चढेका अक्षयलाई दुई सिनेमा सँगै रिलिज हुँदा गाह्रो पर्ने देखिएको छ । ‘प्याडम्यान’ कम बजेटमा निर्माण भएको सिनेमा हो भने, ‘२.०’ भारतीय सिनेमा इतिहासकै सर्वाधिक बजेटको सिनेमा हो ।
भारतीय मिडियाले अक्षय भर्सेज अक्षयको यो लडाई रोमान्चक हुने अड्कल काटेका छन् ।
प्रतिक्रिया