द सिनेमा टाइम्स, काठमाडौं – बलिउडको ’हेवी वेट’ भिडन्त अक्षय कुमार भर्सेस जोन अब्राहममा अक्षयले बाजी मारेका छन् । भारतीय स्वतन्त्रता दिवसको दिन रिलिज भएका अक्षय स्टारर ’मिसन मंगल’ र जोन स्टारर ’बटला हाउस’ रिलिज भएका थिए ।दुई सिनेमा मध्ये कसले बाजी मार्ला भन्ने दर्शकमा कौतुहलताको भोक थियो । आजका दिनसम्मको व्यापार अनुसार अक्षयले जोनलाई दोब्बरले पछाडी छोडेका छन् । अक्षयको सिनेमाले ६ दिनमा १ सय १४ करोड माथीको व्यापार गर्दा बाटला हाउसले ५७ करोड ८२ लाख मात्रै कमाई गरेको छ ।
#MissionMangal is trending very well on weekdays… Should comfortably cross ₹ 127 cr in *extended* Week 1… Will challenge *lifetime biz* of #Kesari in Week 2… Thu 29.16 cr, Fri 17.28 cr, Sat 23.58 cr, Sun 27.54 cr, Mon 8.91 cr, Tue 7.92 cr. Total: ₹ 114.39 cr. India biz.
— taran adarsh (@taran_adarsh) August 21, 2019
पहिलो दिन बिहिबार २९ करोड १६ लाखको ओपनिङ गरेको ‘मिसन मंगल’ले शुक्रबार १७ करोड २८ लाख, शनिबार २३ करोड ५८ लाख कमायो । ‘मिसन मंगल’ले आइतबार, सोमबार र मंगलबार क्रमश २७ करोड ५४ लाख, ८ करोड ९२ लाख र ७ करोड ९२ लाख कमायो ।
पहिलो दिन बिहिबार जम्मा १५ करोड ५५ लाखको ओपनिङ गरेको ’बटला हाउस’ले शुक्रबार ८ करोड ८४ लाख, शनिबार १० करोड ९४ लाख कमायो । ‘बाटला हाउस’ले आइतबार, सोमबार र मंगलबार क्रमश १२ करोड ७० लाख, ५ करोड ५ लाख र ४ करोड ७८ लाख कमायो । ’बटला हाउस’का यो व्यापारलाई कमजोर मान्न नसकिने बलिउड पण्डितहरुको भनाई छ ।
#BatlaHouse is steady on weekdays… With no major opposition next week [till #Saaho], should continue to collect well… 15.55 cr, Fri 8.84 cr, Sat 10.90 cr, Sun 12.70 cr, Mon 5.05 cr, Tue 4.78 cr. Total: ₹ 57.82 cr. India biz.
— taran adarsh (@taran_adarsh) August 21, 2019
निखिल अडवाणी निर्देशित ’बटला हाउस’मा जोनसँगै मृणाल ठाकुर र रवि किशनको मुख्य भूमिका छ । भने, जगन शक्ति निर्देशित ’मिसन मंगल’मा अक्षयसँगै विद्या वालन, सोनाक्षी सिन्हा, तापसी पन्नु, कृति कुल्हारीजस्ता कलाकारको अभिनय छ । दुवै सिनेमा सत्य कथामा आधारित भएर निर्माण भएका हुन् ।
प्रतिक्रिया