द सिनेमा टाइम्स, काठमाडौँ – बलिउड अभिनेता सुशान्त सिंह राजपुत आत्महत्या प्रकरणले नयाँ मोड लिइसकेको छ । उनको आत्महत्यापछि अभिनेत्री कंगना रनाउतले बलिउडमा व्याप्त ‘नेपोटिज्म’को कारण सुशान्तले आत्महत्या गरेको बताएकी थिइन् ।
करिब डेढ महिनासम्म मुम्बई पुलिसले बलिउडका ४० जना भन्दा बढी व्यक्तिहरुको अनुसन्धान गर्यो । तर, सुशान्त आत्महत्याको जडसम्म पुग्न सकेन । बलिउडको परिवारवाद विरुद्द कंगनाले अहिले पनि निसाना साँधीरहेकी छन् ।
तर, आत्महत्या प्रकरण सुशान्तकी प्रेमिका रिया चक्रवर्ती तर्फ ढल्किसकेको छ । सुशान्तका पिता केके सिंहले रिया र उनको परिवार विरुद्द ‘धोका, बेइमानी, बन्धक बनाउने र आत्महत्या गर्न प्रेरित गरेको’ आरोप लगाउदै उजुरी दिएपछि कंगनाले उठाएको ‘नेपोटिज्म’ मुद्धा सेलाएको छ ।
‘नेपोटिज्म’का कुरा सेलाउदै गएपछि कंगना फेरि यस विषयमा बोलेकी छन् । उनको टिमले सुशान्तको परिवार पैसाको पछाडी लागेर ‘बुलिङ र नेपोटिज्म’को विषय बिर्सिएको आरोप लगाएका छन् ।
उनको टिमले ट्वीटरमा ट्वीट गर्छन, ‘दुर्भाग्यपूर्ण भन्नुपर्छ परिवारले केवल पैसाको मुद्धा मात्र अगाडी सारेको छ । उनिहरु सुशान्तका ति पोस्ट र इन्टरभ्युलाई बेवास्ता गरिरहेका छन्, जहाँ उनले बुलिङ, नेपोटिज्म र ह्यारेस्मेन्टको बारेमा बोलेका थिए । यहाँसम्म कि राजनीतिक नेपो माफियाको संग्लनतालाई पनि भुलेका छन् ।’
टिमले अगाडी लेखेको छ, ‘उनिहरुले सुशान्तसँग यस्तो गरें, किनकि उ सजिलो माध्यम थियो । के उनीहरु यहि काम रणवीर कपूर र वरुण धवनसँग गर्न सक्छन ? उनिहरु त भन्छन, ‘भाइ-भतिजावाद र पक्षपात क्रिमिनल अपराध होइन ।’
‘के पैसा मात्र भनेर हुन्छ ? हामीसँग यो कानुनलाई बदल्ने अवसर छ । जहाँ हामि ‘आउटसाइडर’को लागि बलिउडमा स्थान सुरक्षित गर्न सक्छौँ । यदि उनीहरु पैसामा मात्र केन्द्रित भएभने माफियाहरु फुत्किनेछन् ।’
Unfortunately the family is only focusing on the money part and ignoring all the interviews and posts Sushant recently wrote about bullying and nepotism harassment and even in the case of political nepo mafia involvement..(1/3) https://t.co/T0lBFEsY68
— Team Kangana Ranaut (@KanganaTeam) July 31, 2020
प्रतिक्रिया