अजयको ‘मेडे’ बन्यो ‘रनवे ३४’

अजयको ‘मेडे’ बन्यो ‘रनवे ३४’

द सिनेमा टाइम्स
0
Shares

द सिनेमा टाइम्स, काठमाडौं – बलिउड अभिनेता अजय देवगणको सिनेमाका ‘मेडे’को नाम परिवर्तन गरिएको छ । सिनेमाका निर्देशक समेत रहेका अजयले इन्स्टाग्राममा पोस्टर सार्वजनिक गर्दै ‘मेडे’को नाम परिवर्तन गरी ‘रनवे ३४’ राखिएको जानकारी दिएका छन् ।

‘रनवे ३४’मा अजयका साथै अभिताभ बच्चन र रकुल प्रीत सिंहको मुख्य भूमिका रहेको छ । सिनेमाको नाम परिवर्तन गरेसँगै प्रशंसकहरुले पनि यसको पक्ष र विपक्षमा प्रतिक्रिया दिएका छन् । कतिपयले सकारात्मक भनेका छन् भने कसैले नाम परिवर्तन नगरेको भएपनि हुने बताएका छन् ।

अजयले इन्स्टाग्राममा भनेका छन्, ‘मेडे अब रनवे ३४ भएको छ । यो सत्य घटनामा आधारित एक थ्रिलर सिनेमा हो ।’ सिनेमा आगामी वर्षको इद अर्थात् अप्रिल २९ मा रिलिज हुनेछ ।