द सिनेमा टाइम्स, काठमाडौं – उदय सुब्बाको निर्देशन रहेको सिनेमा ‘आकाशे खेती’को टिजर सार्वजनिक गरिएको छ । सिनेमाको १ मिनेट १२ सेकेन्ड लामो टिजरमा तीन युवाले विना परिश्रम अवैध बाटोबाट धन कमाउन खोज्दा आउने उतार चढावलाई प्रस्तुत गरिएको छ ।

सिनेमा फागुन २७ गतेबाट सार्वजनिक प्रदर्शनमा आउँदैछ । सिनेमामा गौरव पहारी, विल्सन बिक्रम राई ‘तक्के बुढा’, बुद्धी तामाङ ‘हैट’, नीता ढुङ्गाना, रविन्द्र झा, रमा लिब्बु, जयनन्द लामा, शिशिर वाङ्देल लगायको मुख्य भुमिका छ ।

‘आकाशे खेती’ एसएस इन्टरनेशनल फिल्म्स र तक्मे प्रोडक्सनको संयुक्त ब्यानरमा निर्माण भएको हो । विक्रम डीसीले छायांकन गरेको सिनेमालाई सुजन बडालले सम्पादन गरेका छन् । केदार उप्रेती, जीवन सुब्बा, राजेन्द्र चोङ्वाङ र दिलप्रकाश याक्सो निर्माता रहेको सिनेमामा उदयको कथा, विल्सन विक्रम राईको संवाद छ ।

तिब्वतियन शरणार्थीको विषयमा निर्माण भएको ‘आकाशे खेती’ निर्देशक सुब्बाको १८ औं सिनेमा हो । सिनेमा जिजिए ग्रुपका करण श्रेष्ठले उपत्यका र एफडि कम्पनीले उपत्यका बाहिर बितरण गर्नेछ ।