द सिनेमा टाइम्स, काठमाडौं – आगामी शुक्रबार अर्थात् नयाँ बर्षको अवसर पारेर प्रदर्शनमा आउने सिनेमा ‘जारी’को अग्रीम टिकट बुकिङ खुल्ला गरिएको छ । बुकिङखुलेसँगै दयाहाङ राई र मिरुना मगर अभिनित सिनेमा जारीले आक्रामक व्यापार गर्ने संकेत गरेको छ । सिनेमाले मल्टिप्लेक्सहलहरूमा शो संख्या समेत उच्च पाएको छ ।
ठूलो मल्टिप्लेक्स चेन क्यूएफएक्समा ६४ शो पाएको जारीको टिकट ‘फिलिङ फास्ट’मा जाँदै छ । कतिपय शो सोल्ड आऊट भएको छ । त्यस्तै बिग मुभिजले ९, वान सिनेमाजले १२, एफ क्युबले ७, बिएसआरले ६, आईएनआईले ८, रञ्जना सिनेप्लेक्सले ८ शो उपलब्ध गराएको छ ।
सिनेमामा उपेन्द्र सुब्बाको लेखन तथा सुरेश नियोङ लिम्बुको कन्सेप्टमा निर्माण भएको सिनेमामा झुमा लिम्बु र गंगा थापाको संगीत, शैलेन्द्र डी कार्कीको छायांकन र निमेष श्रेष्ठको सम्पादन छ । सिनेमाका निर्माता सफल निर्देशक रामबाबु गुरुङ हुन् ।
सिनेमामा रोयदीप श्रेष्ठ, रेखा लिम्बु, प्रेम सुब्बा, विजय बराल, अनिल सुब्बा, पुस्कर गुरुङ, कमलमणि नेपाल, उपसंग्बा नेम्बाङ, सीताकुमारी तुम्बापो, पन्थक ठुले लगायतका कलाकारको अभिनय छ ।
बाँसुरी फिल्मस्को प्रस्तुती र कबड्डी फिल्मस्को सहकार्य निर्माण भएको सिनेमामा शृजना निङलेकु, मनोरथ पोखरेल, अल्बिन लिम्बु, पीटर गुरुङ, देवयानी राई र क्षितिज लिम्बुको सह–निर्माताको रुपमा रहेका छन् ।
प्रतिक्रिया