द सिनेमा टाइम्स, काठमाडौं –अभिनेत्री प्रमिला खनाल पोखरामा जन्मिइन्, चितवनमा हुर्किइन् । उनी गाउँमा रहँदा एउटा सामान्य कोइला बालेर तमाखु भरी धुँवा तान्नेभाडालाई ‘हुक्का’ भन्थिइन् । वास्तविकता पनि त्यही थियो ।

आगामी जेठ १२ गते रिलिज हुने सिनेमा ‘हुक्काः एन एब्जर्ड ड्रिम’ मा प्रमुख भूमिकामा अभिनय गरेकी प्रमिलाले यो सिनेमाको अभिनयपछि ‘हुक्का’को वास्तविक अर्थ बुझिन् ।

‘हुक्कालाई मैले हेर्दा सामन्य कोइला बालेर तमाखु भरी धुवाँ तान्ने भाडाका रुपमा सम्झन्थे । हुक्कालाई समाजमा प्रतिष्ठाको विषयमानिँदो रहेछ भन्ने सुनेको थिएँ । तर यो सिनेमामा काम गरेपछि त्यो भ्रम मात्र रहेछ भन्ने थाहा पाएँ,’ प्रमिला भन्छिन् ।

सिनेमा ‘दबाब’बाट अभिनय यात्रा सुरु गरेकी प्रमिलाले त्यसयता उनले धेरै सिनेमामा सहायक चरित्र निभाईन् । तर ‘हुक्काः एन एब्जर्डड्रिम’मा भने उनले प्रमुख चरित्र निर्वाह गरेकी छन् ।

प्रेमिलाले सिनेमामा साहसी र निडर महिलाको भूमिका निर्वाह गरेकी छन् । ‘सम्बन्धविच्छेदपछि माइतमै बसेकी एक छोरीकी आमा रगाउँकी मुखियाकी छोरीको चरित्रमा देखिएकी छु’, आफ्नो भूमिकाबारे प्रमिला भन्छिन् ।

मेरो चरित्रसँगै सिनेमाले देखाउन खोजेको विषयवस्तु पनि मन पर्यो । अर्को कुरा सबै सुटिङ पोखरामा नै हुने भएपछि म यो सिनेमामाजोडिएँ’, उनी भन्छिन्, ‘किनकी कोरोनाले सुनसान बनेको काठमाडौबाट केही समय टाढा बसेर काम गर्ने मौका पाएकी थिएँ ।

प्रमिलाको बुझाईमा ‘सिनेमाले’समाजकै कथा बोल्छ । उनले ट्रेलरमा देखाइएका विषयवस्तु समाजसँग ‘रिलेट’ गर्ने भएकाले पनि सिनेमाराम्रो बनेको दाबी गरिन् । सिनेमाले एउटी आमाको छोरी प्रतिको दावित्व, कर्तव्य र सम्बन्ध निकै प्रगाढ देखाएको छ । अहिले म पनिवास्तविक जीवनमा आमा बनेकी छु । सन्तानसँग एउटी आमाको सम्बन्ध अविस्मरणीय हुँदो रहेछ’, प्रमिला भन्छिन्, ‘अहिले छोरालाईबढी समय दिइरहेकी छु ।

हामीले कुनै भयङ्कर फरक र डर लाग्दो विषय पनि उठाएका छैनौं । तर जे भन्न र देखाउन खोजेका छौं । त्यो चाहिँ फरक तरिकालेदेखाउने प्रयास गरेका छौं’, प्रमिलाको बुझाई छ ।

शम्भु थापाको निर्देशन रहेको सिनेमामा प्रमिलासँगै, सन्तोषकुमार आत्रेय, प्रकाश घिमिरे, तेज गिरी, अशु न्यौपाने, तलिशा गुरुङ, निश्चल विमल, एलिशा विकको अभिनय छ ।

रेश्मा प्रधान सह–निर्माता, पार्वती थापा, सुशीला गुरुङ र सागर गोदार क्षेत्री निर्माता रहेको फिल्ममा कमलबहादुर भुजेल र किरणकुमारआत्रेय कार्यकारी निर्माता छन् । सिनेमाको वितरण उपत्यकामा स्टेसन फाइभ र उपत्यकाबाहिर एफडी कम्पनीले गर्नेछन् ।