द सिनेमा टाइम्स,काठमाडौं – हिन्दी सिनेमा ‘आदिपुरुष’को प्रदर्शनमा नेपालमा पनि हलहरुले प्रत्येक शोमा एउटा सिट हनुमानका लागि छुट्याउने भएकाछन् । विग मुभिजले हनुमानका लागि सिट छुट्टयाउने भएको हो ।

‘निर्माण पक्षले गरेको आग्रह अनुसार हामीले पनि हनुमानका लागि प्रत्येक शोजमा एउटा सिट खाली गर्ने निर्णय गरेका छौँ,’ विगमुभिजले भन्यो ।

‘जहाँ रामायण पाठ हुन्छ, त्यहाँ भगवान हनुमान प्रकट हुन्छन् । यस विश्वासलाई सम्मान गर्दै प्रभासको सिनेमा आदिपुरुष जहाँ प्रदर्शनहुन्छ त्यहाँ एक सिट विशेष रूपमा हनुमानका लागि छुट्याइनेछ,’ टिमले जारी गरेको प्रेस विज्ञप्तिमा उल्लेख छ । निर्माण पक्षको योनिर्णयलाई विग मुभिजले पनि लागु गर्ने भएको हो ।

निर्णय अनुसार ‘आदिपुरुष’ प्रदर्शन हुन्जेल प्रत्येक शोजमा एक सिट खाली राखिनेछ ।

ओम राउतले निर्देशन गरेको सिनेमामा प्रभास रामको भूमिकामा छन् । सैफअली खानलाई रावणको भूमिकामा देख्न सकिनेछ । कृतिसेननले सीताको भूमिका निर्वाह गरेकी छन् । जुन १६ बाट सिनेमा रिलिज हुँदैछ ।

पाँच सय करोडमा बनेको सिनेमाले रिलिजअगाडि नै ४३२ करोड भारतीय रुपैयाँमा उठाएको छ । अब यो सिनेमाले हलबाट ६८ करोडभारू मात्र कमाए लगानी सुरक्षित हुने भारतीय सञ्चार माध्यमहरूले जनाएका छन् ।