द सिनेमा टाइम्स, काठमाडौं – अभिनेता सारुक ताम्राकारले झुण्डिएर आत्महत्या गरेका छन् । काठमाडौं रातोपुलस्थित घरमा बिहीबार राति ११ बजे झुण्डिएको अवस्थामा उनी मृत भेटिएका प्रहरीले जनाएको छ ।

प्रहरीका अनुसार उनले भ¥याङको रेलिङका प्लास्टिकको पाइपले पासो लगाएर आत्महत्या गरेका हुन् ।

अहिले शव पोस्टमार्टमका लागि त्रिवि शिक्षण अस्पताल लगिएको छ । के कारण उनले आत्महत्या गरे भन्ने कारण पत्ता नलागेको प्रहरीको भनाइ छ ।

 सारुकले बिहीबार बिहानसम्म ‘ह्यासट्याग माया’को सुुटिंग गरेका थिए । बुधबार रातभर चलेको सुटिंग बिहीबार बिहान ५ बजेसम्म चलेको थियो । सेटबाट हाँसीखुसी बिदा भएका सारुकले बिहीबार साँझ बुबा आमा घरमा नभएको मौका छोपी आत्महत्या गरेको हुन सक्ने सिनेमाका प्रडक्सन म्यानेजर अरुण रेग्मीले जानकारी गराए ।

३१ वर्षे सारुकले ‘रानी’, ‘मेरी मामु’, ‘इन्टु मिन्टु लण्डन’ लगायत सिनेमामा अभिनय गरेका छन् ।