द सिनेमा टाइम्स,काठमाडौं – सारुक ताम्राकारको आत्महत्या लगत्तै सिने जगतभित्र विभिन्न हल्ला चले । सुरुमा त आत्महत्या हो वा हत्या भन्नेकुरामा धेरैको चासो रहे पनि त्यो कुराको कौतुहलता लामो समय टिकेन । तर, भित्रभित्रै एउटा हल्ला भुसको आगो झैँ सल्कियो । र, त्यो हल्ला थियो- आत्महत्या भए पनि त्यसका लागि बाद्य पार्ने कोही छ ।
को हो ? त्यो व्यक्ति जसले सारुकलाई आत्महत्याको अवस्थासम्म पुर्यायो ? त्यो पनि सिने नगरीमा भुसको आगो झैं फैलिएको थियो । तर, बोल्न कोही तयार थिएन । सबै तैँ चुप मैं चुप थिए । मन मिल्ने साथी-साथीको ग्रुपमा मात्रै सीमित थियो ।
तर, केही नायिकाहरू भने बोल्न थाले । तर, जो बोले उनीहरुले पनि स्पष्ट मुख खोलेनन् । मात्रै सारुकलाई मृत्युको मुखमा पु¥याउन बाद्य पार्नेलाई कारबाहीको माग गरे । यसरी न्यायका लागि बोल्नेहरूको संख्या बाक्लिँदा जाँदा नायिका नम्रता श्रेष्ठले तान्त्रिक गुरुकोमा लगेर सारुक र फ्लोरमा रहेको सिनेमा ‘ह्यासट्याग माया’का निर्देशक राजिव गुरुङलाई बुटी बाँधेको गुरुङ स्वयंले बताइसकेका छन् ।
नम्रताले आर्थिक रूपमा सफलता प्राप्त हुन्छ यसका लागि तान्त्रिक गुरुकोमा गएर बुटी बाँध्नुपर्छ भनेर करिब ९ महिना अगाडि दोलालघाट लगेको कुरा आज न्यूज फिल्मीलाई दिएको अन्तर्वार्तामा उनले बताएका छन् । निर्देशक गुरुङ र सारुकलाई लिएर नम्रता कालो बोकोसहित दोलालघाट पुगेकी थिइन् । उनीहरूसँगै थिए नम्रताले बोलाएका तान्त्रिक विद्या जान्ने गुरु पनि ।
निर्देशक गुरुङले नम्रताको भनाइमा लागेर दोलालघाट पुगेको स्वीकार गरिसककेका छन् । उनले एक दिन बेलुकी दोलालघाट नजिकैको मसानघाट छेउमा रहेको शिव मन्दिरमा सबैले पूजा गरेको बताएका छन् । निर्देशक गुरुङले उनीहरूले पहिलो पटक गाह्रो हुन्छ भनेर आफूलाई होटलमै बस्न भनेको बताएका छन् ।
सारुकले आत्महत्या गरेको दिन बिहानसम्म सिनेमाको छायांकन गरेका थिए । त्यो दिन नम्रताले सारुकको अभिनयलाई लिएर चर्को स्वरमा गाली गरेको समेत सोही सुटिङ सेटमा रहेका उनका सहकर्मीहरूले बताएका छन् । यसलाई निर्देशक गुरुङ पनि पुष्टि गरेका छन्। रेपको सिन थियो । त्यो सिन राम्रो निस्किएपछि सारुक खुसी थिए । त्यसपछि रोय दिप र नम्रताको सिन थियो । सट सुरु हुनुभन्दाअगाडि नम्रता र सारुक रुमभित्र पसेर ढोका लक गरे । त्यसपछि नम्रताले ठूलठूलो स्वरमा सारुकलाई कराएको स्वर सुनिएको तर सारुकको स्वर नसुनेको निर्देशक गुरुङले बताएका छन् ।
पछि कोठा बाहिर बरण्डामा सारुक एक्लै टोलाएर बसेको गुरुङले देखेर उनले सोधे- सारुक भाई यू आर ओके ? उनले जवाफमा भनेका थिए- आइएम नट ओके दाइ । पछि उनले फेरि सोधे । ठिक छौ ? उनी केही बोलेनन् । ‘त्यसपछि त्यो दिनको सुटिङ मैले ¥यापअप गरेँ। भोलि पल्ट बिहान सारुकको नराम्रो खबर आयो,’ उनले भनेका छन् । त्यो घटनापछि नम्रता आफूसँग सम्पर्कमा नरहेको गुरुङले बताएका छन् ।
क्यारेक्टरमा घुस्न भन्दै करिब डेढ वर्षदेखि नम्रता एक्लै बस्नुपर्छ भनेर निर्माताले बूढानीलकण्ठमा भाडामा लिइदिएको सिंगो घरमा बस्दै आएकी थिइन् । ‘ह्यासट्याग माया’मा नम्रताको भूमिका योगा टिचरको थियो । उनलाई योगा सिकाउन योग गुरु नम्रता बसेकै भाडाको घरमा दैनिक जान्थे । सुरुमा दैनिक १० हजार योगा गुरुलाई दिएको निर्माण पक्षले ६ महिना पछि प्रतिदिन ५ हजारमा योगा गुरुको व्यवस्था गरिएको थियो । घरभाडा प्रतिमहिना डेढ लाख थियो ।
सारुक ‘ह्यासट्याग माया’मा सुरुमा हिरोको भूमिकामा थिए । पछि नम्रताकै सल्लाहमा उनी भिलेनको भूमिकामा पुगे । हिरोको भूमिका रोयलाई दिइएको निर्देशक गुरुङले बताएका छन् ।
निर्देशक गुरुङले सारुकले नम्रताका रहेक माग पूरा गरिदिने गरेको आफूले देखेको र उनीहरु धेरै क्लोज रहेको आफूले देखेको बताएका छन् । खाना सर्भ गर्नेदेखि नम्रतालाई के चाहिन्छ सबै पूरा गरिदिने गरेको आफूले पाएको उनको भनाइ छ ।
सारुक डिप्रेसनमा रहेको भन्ने हल्ला बाहिर आएको तर त्यसमा सत्यता नरहेको उनले दाबी गरेका छन् ।
प्रतिक्रिया