द सिनेमा टाइम्स, काठमाडौं । दर्शक र समीक्षकले मन पराएको सिनेमा ‘चिसो मान्छे‘ नेपाली ओटिटि प्ल्याटफर्म ‘भिडियो पसल‘मा रिलिज भएको छ । सिनेमा‘चिसो मान्छे‘ अहिलेको लागी नेपाल बाहिरबाट मात्र हेर्ने व्यवस्था गरिएको छ ।

सिनेमा चिसो मान्छे‘ कोरोनाको समयमा रिलिज भएको थियो । त्यस कारणले पनि विदेशमा बस्ने धेरै दर्शक माझ नपुगेको हुनाले सिनेमाको माग उच्च रहेको ‘भिडियो पसल’का सह–संस्थापक नेहा कार्की बताउँछिन् । नयाँ वर्ष २०२४ को अवसर पारेर विदेशमा रहेका नेपाली लक्षित गरेर सिनेमा रिलिज गरिएको हो ।

सबै स्मार्ट डिभाइसमा भिडियोपसल एप डाउनलोड गरी सिनेमा हेर्न सकिन्छ । भिडियो पसलमा २.९९ डलर देखी ५.९९ डलरसम्म विभिन्नप्याकेज लिई 4K गुणस्तरमा पनि सिनेमा हेर्न सकिन्छ । उपलब्ध सिनेमाहरू विदेशबाट एप्पल पे, गुगल पे, पेपल, डेबिट–क्रेडिटकार्डबाट पैसा तिरेर हेर्ने व्यवस्था गरिएको छ ।

दीपेन्द्र के खनाल निर्देशित ‘चिसो मान्छे‘मा अर्पण थापा, स्वस्तिमा खड्का , देशभक्त खनाल, आशान्त शर्मा, प्रभाकर न्यौपाने, रामबाबु रेग्मीलगायतका कलाकारले अभिनय गरेका छन् । सिनेमालाई शर्मिला पाण्डेले निर्माण गरेकी हुन् ।