द सिनेमा टाइम्स, काठमाडौं – ‘काँडेतार’ले आफ्नो दोश्रो गीत रिलिज गरेको छ । सिनेमाले शुक्रबार ओएसआरको यूट्यूब च्यानलबाट ‘सके जोबन दिउँला माया’ बोलको गीत रिलिज गरिएको हो ।

गीतमा अभिनेता गौरव पहारीको साथमा सुरविना कार्की, रेबिका गुरुङ तथा प्रशान्त यादव फिचर भएका छन् । सत्यकला राई र विक्रम राईको युगल स्वर रहेको यो गीतका संगीतकार तथा गीतकार दिपक शर्मा हुन् ।

गीतलाई कविराज गहतराजले कोरियोग्राफी गरेका हुन् । नेपाल भारतको सीमा समस्या उजागर गर्ने कथा बोकेको ‘काँडेदार’ फागुन २५ गते रिलिज हुँदैछ । यही मितिमा ज्ञानेन्द्र देउजा निर्देशित ‘उपहार’ पनि रिलिज हुँदैछ ।

‘काँडेतार’मा गौरव, सुरविना, रेबिका, प्रशान्तका अलावा नवल खड्का एवम् मुरलीधरको प्रमूख अभिनय रहेको छ । सिनेमालाई नवल खड्काले निर्देशन गरेका हुन् । योसँगै उनी यो सिनेमाका निर्माता तथा कथाकार समेत हुन् ।

सामना फिल्मस्को ब्यानरमा निर्माण भएको सिनेमा ‘काँडेतार’को हालसम्म देशभरका विभिन्न जिल्लामा ६० बढि शोको आयोजना निर्माण टिमले गरिसकेको छ । खड्का देशभक्तिका कथामाथि लगातार सिनेमा बनाउने फिल्मकर्मीमा पर्छन् ।