द सिनेमा टाइम्स, काठमाडौं । अभिनेत्री नीता ढुँगानाको निर्माण रहेको ‘ह्रस्व दीर्घ‘ सिनेमाको अमेरिका तथा क्यानडा प्रदर्शन अधिकार विक्री भएको छ । नेपाली तथा तेलेगु भाषाना रिलिज हुने यो सिनेमाको प्रदर्शन अधिकार रमेश भट्टको एभरेष्ट इन्टरटेनमेन्ट तथा अभिजित राईको इ–पिक इन्टरटेन्मेन्टले संयूक्त रुपमा लिएका हुन् ।

चन्द्र पन्त निर्देशित सिनेमा आफ्नो बलियो नेपाली तथा चर्चित भारतीय कलाकारहरुको लाइनअपका कारण चर्चामा रहेको छ। सिनेमामा ब्रम्हानन्दम, अलि तथा ‘गजनी’ सिनेमाका खलनायक प्रदीप रावतको समेत अभिनय रहेको छ ।

हरिहर अधिकारीले लेखेको सिनेमामा हरिहर तथा नीताका अलावा विपना थापा, सरोज खनाल, गरिमा शर्मा, सञ्चिता लुईँटेल, बुद्धितामाङ, प्रशान्त ताम्राकार, रविन्द्र झालगायतका नेपाली कलाकारहरुको पनि अभिनय छ ।

तीन सेड्यूलमा छायाँकन हुने सिनेमाको पहिलो र दोस्रो सेड्यूलको छायांकन सकिएको छ भने तेस्रो सेड्यूलको छायांकन भारतमा हुँदैछ। बिग बजेटमा तयार हुँदै गरेको सिनेमालाई लिएर नीता उत्साहित रहँदै आएकी छिन् ।

सिनेमाले सफलता पाउने अनुमान सिने नगरिमा गरिदैं आइएको छ। सिनेमा आगामी वर्षको दशैंको पूर्वसन्ध्यमा असोज ११ गते रिलिजहुनेछ।