द सिनेमा टाइम्स, काठमाडौं – महाशिवरात्रिको अवसर पारेर शुक्रबारबाट प्रदर्शनमा आएको सिनेमा ‘उपहार’ले बक्स अफिसमा सुखद् सुरुवात गरेको छ । पहिलो दिनदेशभर ६० प्रतिशतमाथि अकुपेन्सी कायम गरेको सिनेमा शनिबार पनि बलियो देखियो ।
बिहानदेखि साँझसम्म काठमाडौं र मोफसलकाहलहरुमा दर्शकको चाप उल्लेख्य थियो । देशभर प्राप्त शोजमा ८० प्रतिशतसम्म अकुपेन्सी देखिएको छ । क्यूएफएक्स चेन अन्तर्गतको सिभिल तथा लबिम मलसहित काठमाडौंका एफक्युब, बिग मुभिज, वान सिनेमाज्, बिएसआर मुभिज, आईएनआई सिनेमाज्, रञ्जना सिनेप्लेक्स, अष्टनारायण लगायतका हलमा शनिबार बिहानैदेखि ‘उपहार’को शोजमा दर्शकको चाप थियो । मोफसल अन्तर्गत बुटवल, चितवन, पोखरा लगायतका सहरहरुमा पनि राम्रो दर्शक पाएको रिपोर्ट प्राप्त छ ।
‘शुक्रबार जस्तै शनिबार पनि पूजा र बेनिशाले काठमाडौंका विभिन्न हल पुगेर दर्शकसँग साक्षात्कार गरेका थिए ।
दर्शकबाट सिनेमालाईउत्साहजनक साथ मिलेको भन्दै उनले खुसी व्यक्त गरेकी छन् ।
उपहार’लाई प्रतिक्रिया पनि सुखद् मिलेको छ । अभिनेत्री रेखा थापाको गम्भीरभूमिका, पूजा शर्माको कमेडी र बेनिशा हमालको अभिनयलाई दर्शकले मन पराएका छन् ।
वितरक करण श्रेष्ठले स्वदेशी र विदेशी गरी पाँचवटा सिनेमा रिलिज हुँदा पनि ‘उपहार’ले एकखालको माहोल बनाएको दाबी गरेका छन् । सिनेमाको बुकिङ र ‘डोर सेल’ दुवै निकै राम्रो छ ।
शुक्रबार र शनिबारको विदाले सिनेमाको व्यापारमा राम्रो फाइदा पुगेको छ । प्राय शोज आज पनी हाउसफूल छन् करण ले जानकारी दिय ।
रेखा फिल्मस् र कपनगढी सिनेमाको व्यानरमा रेखा थापा प्रस्तुतकर्ता रहेको सिनेमामा ज्ञानेन्द्र देउजाको निर्देशन छ ।
प्रतिक्रिया