काठमाडौं । सरकारले विश्वकै ठूला सिनेमा उद्योग हलिउड, बलिउडलगायत अन्तर्राष्ट्रिय सिनेमा निर्मातालाई नेपालमा सिनेमा छायांकनका लागि आकर्षित गर्ने भएको छ ।

संघीय संदसद्को मंगलबार बसेको संयुक्त बैठकमा सरकारको नीति कार्यक्रम प्रस्तुत गर्दै राष्ट्रपति रामचन्द्र पौडेलले सरकारले उक्त जानकारी दिएका हुन् ।

सरकारले तयार पारेको नीति तथा कार्यक्रम वाचन गर्दै राष्ट्रपति पौडेलले बलिउड र हलिउडका सिनेमा निर्मातालाई नेपालमा सिनेमा छायांकनका लागि आकर्षित गर्ने जानकारी दिए ।

राष्ट्रपति पौडेलले उनीहरूलाई नेपालमा सिनेमा छायांकनका लागि आकर्षित गरी सिनेमा पर्यटन प्रवर्द्धन गर्ने सरकारको तयारी रहेको बताए । सरकारले नीति तथा कार्यक्रममा यो विषय समावेश गरेपछि कार्यान्वयनका लागि बजेटमा समेटिने सम्भावना उच्च हुन्छ । यो लामो समयदेखि सिनेमाकर्मीले उठान गर्दै आएको विषय हो ।