द सिनेमा टाइम्स, काठमाडौं । स्याडो पिक्चर्स र रेट्रो फिल्मस्को प्रस्तुतिमा तयार भएको सिनेमा ‘आउट लः दफा २१९’को फर्स्टलुक रिलिज भएको छ ।

सार्वजनिक फर्स्टलुकमा सिनेमका मुख्य नायक सुशिल श्रेष्ठलाई एक्सन एङ्ग्री अवतारमा देखाइएको छ । सार्वजनिक पोस्टरमा अभिनेता श्रेष्ठ मेसिनगन बोकेर उभिएका छन् ।

अमित अग्रहरिको निर्माणमा तयार भएको सिनेमाको फर्स्टलुकसँगै प्रदर्शन मिति पनि सार्वजनिक गरिएको छ । यो सिनेमा असोज ३ गतेबाट विश्वव्यापी रुपमा प्रदर्शनमा आउनेछ ।

सिनेमामा विक्की महर्जनको लेखन तथा निर्देशन छ । सुशिलका साथमा नरेश पौडेल, शिक्षा संग्रौला, सुमन भण्डार, हेम गुरुङ, सोनी लागुनको अभिनय छ ।

विनोद कडायत र सशांक खड्का कार्यकारी निर्माता रहेको सिनेमामा विकास चौधरी सह-निर्माताको रुपमा छन् । नविन गुरुङको डीओपी रहेको यो सिनेमामा साहिल खानको सम्पादन छ । चुल्ठे काजीको एक्सन, इश्वर घिमिरे प्रोडक्शन म्यानेजरको रुपमा छन् । विजय बस्यालको पब्लिसिटी डिजाइन रहेको सिनेमामा श्रृजना सुत्रको कास्टिङ छ ।

यो सिनेमाको यसअघि सार्वजनिक भिडियोले पनि निकै चर्चा पाएको थियो । फफर्स्टलुकसँगै  दर्शकको उत्साह अझै बढ्ने देखिएको छ । अभिनेता सुशिल श्रेष्ठका लागि यो अभिनेता बलियो कमब्याको रुपमा रहने चर्चा सिनेमावृत्तमा चलिरहेको छ । सिनेमालाई देशभर डीसीएनले वितरण गर्नेछ ।