द सिनेमा टाइम्स, काठमाडौं – अभिनेता सौगात मल्ल अभिनित सिनेमा ‘बम बहादुर’ कार्तिक ३० गतेबाट प्रदर्शनमा आउने भएको छ । आइतबार निर्माण टिमले पोस्टर सार्वजनिक गर्दै रिलिज मिति घोषणा गरेको हो ।

अभिनेता मल्ललाई लडाकुको पोसाकमा सार्वजनिक पोस्टरको पृष्ठभूमिमा देखाइएको छ । निर्देशक जोन राईले सिनेमा सस्पेन्स, थ्रिलर, रोमान्स र सोसल ड्रामाको समिश्रण रहेको बताए । सिनेमाले बम बहादुर नामक पात्रको जीवनमा चार दशक पहिलेका घटनाहरूले कसरी वर्तमानमा असर गरिरहेको भन्ने देखाइएको छ ।

बिस्ट ब्रदर्स फिल्मस् प्रालिको ब्यानरमा निर्माण भएको सिनेमामा सौगातका अलवा प्रशान्त राई, अनिशा रसाइली, भास्कर प्रधान, महेन्द्र बग्दास, मदन भुजेल, भरत वशिष्ठ, रिया भुजेल, शान्तिला तामाङ, बाल कलाकार वाशित कार्की र सुरेश पाँचकोटीको अभिनय रहेको छ ।

सञ्जीव सार्की निर्माता रहेको सिनेमामा निर्देशक जोन राई र रुपेश तामाङको कथा तथा पटकथा लेखन रहेको छ । सिनेमाको छायांकन सुजोय कुमार घोष ‘मुन्ना’ले गरेका छ । ज्ञान गुरुङको सम्पादन, दीपङ्कर सिंह मुखियाको संगीत तथा शब्द, इजाज अलीको ब्याग्राउण्ड स्कोर सिनेमालाई आरआर फिल्मसरले गर्नेछ ।