द सिनेमा टाइम्स, काठमाडौँ – अनमोल केसी स्टारर ‘कृ’ले युट्युबमा द्रुत भ्युज पाईरहेको छ । यो समाचार तयार पर्दासम्म ‘कृ’ले १९ घण्टामै ५ लाख ४० हजार बढी भ्युज पाईसकेको छ । जुन नेपाली ट्रेलरले २४ घण्टा भित्र पाएको सर्वाधिक भ्युज हो ।
यसअघि २४ घण्टामा ‘ए मेरो हजुर २’ले ५ लाख ५ हजार बढी भ्युज पाएर यो रेकर्ड आफ्नो पोल्टामा पारेको थियो । तर, ‘कृ’ले यो रेकर्ड १७ घण्टामै तोडीदिएको थियो । १७ घण्टामै ‘कृ’ले ५ लाख १२ हजार भ्युज प्राप्त गरिसकेको थियो । अब हेर्न बाँकी छ, २४ घण्टामा कति भ्युजको रेकर्ड राख्ने छ ?
सुरेन्द्र पौडेल निर्देशित सुरेन्द्र पौडेल निर्देशित सिनेमा लामो समयको पर्खाइपछी माघ २६ मा रिलिज हुँदैछ । सुवास इन्टरटेनमेन्टको व्यानरमा निर्माण गरिएको सिनेमालाई द सुपर काजोल फिल्मसले प्रस्तुत गरेको हो ।
सुवास गिरि र भुवन केसी निर्माता रहेको सिनेमा सिनेमामा अनमोलका अलावा अदिति बुढाथोकी सरोज खनाल, रुपा राना, अनुपविक्रम शाही, कामेश्वर चौरसिया लगायतका कलाकारको अभिनय छ । सिनेमाको कार्यकारी निर्मातामा कमल गिरी र सहनिर्मातामा श्री पराजुली रहेका छन् ।
प्रतिक्रिया