द सिनेमा टाइम्स, काठमाडौँ – सौगात मल्ल र सृष्टि श्रेष्ठको मुख्य भूमिका रहने सिनेमा ‘माइकल अधिकारी’ माघ १ गतेदेखि फ्लोरमा निस्किएको छ ।
बुधबार माघे संक्रान्तिको अवसर पारेर सिनेमाको छायांकन सुरु गरिएको हो । सेरोगेसी (भाडाको कोख)मा आधारित रहेर निर्माण हुने सिनेमालाई रञ्जित रौनियारले निर्देशन गर्दैछन् । सिनेमाको कथा पनि उनकै हो ।
गोपीकृष्ण मुभिजले निर्माण गर्न लागेको सिनेमाको छायांकन झापाको विर्तामोडबाट सुरु भएको हो ।
सिनेमामा सौगात र सृष्टिसँगै अशान्त शर्मा, एनी कुँवर, हेमन्त बुढाथोकी, विद्या कार्की, सुजना ढकाल, दिलिप बोहरालगायतको अभिनय रहनेछ ।
चैत २८ गते रिलिजको लक्ष्य राखिएको सिनेमालाई उद्धव पौडेलले प्रस्तुत गर्नेछन । भने, निर्मातामा निरक पौडेल छन् ।
प्रतिक्रिया