फिल्म फेयरमा रणवीर र कृति उत्कृष्ट, ‘सरदार उधम’ले जित्यो सर्वाधिक अवार्ड

द सिनेमा टाइम्स, काठमाडौं – बलिउडको प्रतिष्ठित फिल्म फेयर अवार्डमा रणवीर सिंहले उत्कृष्ट अभिनेताको अवार्ड जितेका छन् ।

मंगलबार राति मुम्बईको जिओ वर्ल्ड सेन्टरमा सम्पन्न ६७ औं समारोहमा रणवीरले सिनेमा ‘८३’बाट उत्कृष्ट अभिनेताको अवार्ड जितेका हुन् । यस विधामा उनले सिद्धार्थ मलहोत्रा, धनुष र विक्की कौशललाई पाखा लगाए ।

यस्तै विधा बालन, परनिती चोपडा, ताप्सी पन्नु र कियरा आडवाणीलाई उछिन्दै कृति सेनोनले सिनेमा ‘मिमि’बाट उत्कृष्ट अभिनेत्रीको अवार्ड जितिन् ।

सिनेमा ‘शेरशाह’ले उत्कृष्ट सिनेमाको अवार्ड जित्दा ‘सरदार उधम’ले सर्वाधिक ९ विधामा वर्चश्व जमायो । ‘शेरशाह’बाटै विष्णुवर्धनले उत्कृष्ट निर्देशकको अवार्ड जिते ।

समारोहमा निर्देशक सुवाष घईलाई लाइफटाइम अचिभमेन्ट अवार्डबाट सम्मान गरिएको थियो ।

अवार्ड विजेताको पूर्ण सुची

सिनेमा: शेरशाह

निर्देशक: विष्णुवर्धन – शेरशाह

अभिनेता: रणवीर सिंह – ८३

अभिनेत्री: कृति सेनोन – मिमि

सहअभिनेता: पंकज त्रिपाठी – मिमि

सहअभिनेत्री: साइ तम्हानकर – मिमि

डेब्यु अभिनेता: एहान भट्ट – ९९ संग्स

डेब्यु अभिनेत्री: शर्वारी वाग – बन्टी और बबली २

डेब्यु निर्देशक: सीमा पह्वा – रामप्रसाद की तेह्र्वी

कथा: अभिषेक कपूर, सुप्रतिक सेन, तुसार परंजापे – चण्डीगढ करे आशिकी