द सिनेमा टाइम्स, काठमाडौं – श्रीमान् र श्रीमतीबीचको सम्बन्धमा के-के कुराले अवरोध खडा गर्छ ? खोज्दै जाने हो भने धेरै कारण फेला पर्न सक्लान् ।तर, एउटा कारण विवाहेत्तर सम्बन्ध पनि हो । विवाहेत्तर सम्बन्धको कारण चाहिँ के–के कुरा हुन सक्छ ? यसबारे ‘परस्त्री’ले केही कुरा भन्छ ।
सिनेमामा आव्या, विश्वास र आयान क्रमशः शिल्पा मास्के, कोशिस क्षेत्री र गौरव बिष्ट मुख्य भूमिकामा छन् । आव्या र विश्वासश्रीमान् श्रीमती हुन् । आव्या र आयानको भेट फिटनेस सेन्टरमा हुन्छ । यीनै तीन पात्रबीचको सम्बन्धको आरोह अवरोह नै सिनेमाको कथा हो । यही कथाको सेरोफेरोमा निर्देशक सुरज पाण्डेले दुई घण्टा लामो सिनेमा ‘परस्त्री’ निर्देशन गरेका छन् ।
विश्वास आव्यासँगको हरेक यौन सम्बन्धपछि माफी माग्छ । अब यस्तो गल्ती आफूले नदोहोर्याउने प्रतिबद्धता जनाउँछ । तर, आव्यालाईविश्वासको प्रतिबद्धतामा विश्वास छैन । त्यसैले उनीहरूको सम्बन्ध सिनेमाको पहिलो सिनदेखि नै राम्रो देखिँदैन ।
डेथ बडीसँग यौन सम्बन्ध राख्ने उसको उद्देश्य हुन्छ । हरेक पटक आव्यालाई त्यसको नजिक पु¥याएको आवास गरेर यौनको भोकमेटाउने प्रयास गर्छ । विश्वासको यो प्रवृत्ति आव्यालाई मन पर्दैन ।
फेमस रेडियो जकी समेत रहेकी आब्याको ठूलो क्रेज छ । विश्वास आफैँ कम्युनिकेसन कम्पनीको मालिक छ । अपार्टमेन्टमा बस्नेउनीहरू आमा मान्छेले झट्ट हेर्दा लोभलाग्दो जिन्दगी जिइरहेका छन् । तर वास्तवमा उनीहरू खुसी छैनन् । किन त ? जान्न सिनेमा नैहेर्नुपर्छ ।
सिनेमाको कथा दीपेन्द्र कुमार खनालले लेखेका छन् । डार्क थ्रिलर सिनेमाको जानरा अनुसार उनले कथा छनोट गरेका छन् । विवाहेत्तरसम्बन्ध सिनेमाको कथा हो । सेक्सभित्रको पनि कारणलाई लिएर उनले कथा अगाडि बढाएका छन् । कथालाई अगाडि बढाउने क्रममा पटकथा निर्माणमा उनी विशेष ख्याल राख्छन् ।
जनरा अनुसार उनले कथामा ट्वििस्ट एन्ड टर्न दिएका छन् । जसका कारण सिनेमाले दर्शक होल्ड गर्छ ।
निर्देशक सुरज पाण्डेले सिनेमामा केही सिन राखेका छन् । सेक्स र हिम्साका । जुन सिन नेपाली सिनेमाले कमै राख्छन् । सेक्स रहिम्साका दृश्यमा उनी उदार देखिएका छन् । हलिउड सिनेमा हेर्दा त्यहाँका सिनेमा यस्ता सिनमा जसरी उदार रुपमा निर्देशकलेदर्शकलाई दिन्छन्, त्यो प्रयास ‘परस्त्री’मा सुरजले गरेको देखिन्छ ।
यस्तै सिनका कारण हो, ‘परस्त्री’लाई सुरुमा चलचित्र जाँच पास समिति (चलचित्र सेन्सर बोर्ड)ले सुरुमा जाँच पासको सर्टिफिकेट दिनअस्वीकार गरेको । केही सिन हटाउन भन्दै सुरुमा फिर्ता गरेको सेन्सरले पछि पिजी सर्टिफिकेट दिँदै रिलिजका लागि अनुमति दिएकोथियो ।
सिनेमेटोग्राफीमा खोट लगाउने ठाउँ छैन । भारतमा समेत स्टुडियोले तारिफ गरेको भनिएको सिनेमेटोग्राफीलाई दर्शकले मन पराउँछन् ।
ब्याकग्राउन्ड स्कोरका पनि निर्माण पक्षले मिहिनेत गरेको प्रष्टै देखिन्छ । कथालाई बुझाउन ब्याकग्राउण्ड स्कोरले सहयोग गरको छ ।
सिनेमामा कोशिस र शिल्पाले चरित्रलाई न्याय गरेका छन् । गौरव बिष्टले पनि मेहनत गरेको देखिएको छ । कोसिस अक्सर क्राइमथ्रिलर र डार्क थ्रिलरमा देखिँदै आएका अभिनेता हुन् । यस्ता सिनेमा उनी रोजाइमा पर्ने भएकाले पनि उनले ‘परस्त्री’को चरित्रलाई न्यायगर्ने नै भए । शिल्पा प्रायः लभस्टोरी कथामा आधारित सिनेमामा देखिँदै आएकी शिल्पाले चुनौती मोलेरै आफ्नो दायरा फराकिलोबनाएकी छन् ।
साउन्डमा पनि ‘परस्त्री’ले दर्शकलाई दिक्दारी दिँदैन ।
निर्देशक सुरज अभिनयमार्फत नेपाली रजतपटमा डेब्यु गरेका हुन् । ‘लभ लभ लभ’मार्फत सेतो पर्दामा अभिनेताका रुपमा चलचित्र क्षेत्रप्रवेश गरेका सुरजले ‘परस्त्री’मार्फत आफूलाई निर्देशकमा रुपान्तरण गरे । निर्देशक बन्ने रहरमात्रै नगरेर उनले आफूमा निर्देशकीय क्षमताभएको पनि प्रमाणित गरेका छन् । अर्थात् उनले निर्देशन यात्रामा सम्भावना देखाएका छन् ।
भारतमा पनि सिनेमा रिलिज भएको छ । हिन्दी भाषामा खिचिएको ‘परस्त्री’ भारतका सिनेमा हलमा रिलिज भएको हो । भारतीयदर्शकलाई लोभ्याउने मुस्ताङका दृश्य सिनेमामा समावेश छ । मुस्ताङमा खिचिएको गीतको दृश्य निकै सुन्दर देखिन्छ ।
निदेर्शक : सुरज पाण्डे
लेखक : दीपेन्द्र कुमार खनाल
कलाकार : कोशिस क्षेत्री, शिल्पा मास्के, गौरव बिष्ट, आशान्त शर्मा आदि ।
निर्माता : शर्मिला पाण्डे
ब्यानर : डिएस डिजिटल
प्रतिक्रिया