द सिनेमा टाइम्स, काठमाडौं – बलिउड अभिनेता अक्षय कुमारले भारतीय नागरिकता लिएका छन् । उनले मंगलबार ७७ औं स्वतन्त्रता दिवसको अवसरमा भारतीय नागरिकता लिएका हुन् । यसअघि उनीसँग क्यानडाको नागरिकता र पासपोर्ट थियो ।
७७ औं स्वतन्त्रता दिवसको अवसरमा उनले भारतीय नागरिकता र पासपोर्ट लिएको तस्वीर सेयर गर्दै लेखेका छन्, ‘मन र नागरिकता दुवै हिन्दुस्तानी । स्वतन्त्रता दिवसको शुभकामना, जय हिन्द ।’
हाल उनको अभिनय र निर्माण रहेको सिनेमा ‘ओएमजी २’ प्रदर्शन भैरहेको छ । सिनेमाले दर्शक र समीक्षक दुवैबाट राम्रो प्रतिक्रिया पाइरहेको छ । सिनेमाले भारतीय बक्सअफिसमा ४ दिनमै ५५ करोड बढिको व्यापार गर्न सफल भैसकेको छ ।
Dil aur citizenship, dono Hindustani.
Happy Independence Day!
Jai Hind! 🇮🇳 pic.twitter.com/DLH0DtbGxk— Akshay Kumar (@akshaykumar) August 15, 2023
प्रतिक्रिया