द सिनेमा टाइम्स,काठमाडौं – अभिनेता अनमोल केसीले समीर भट्टलाई नेपाली सिनेमा उद्योगमा स्वागत गरेका छन् । सिनेमा ‘बलिदान’को पोस्टर सेयर गर्दै अनमोलले समीरलाई स्वागत गरेका हुन् । ‘वेलकम टु द इन्डस्ट्री समीर भट्ट । लुकिङ फरवार्ड टु दिस’ अनमोलले आफ्नो फेसबुकमा लेखेका छन् । एक्सन अवतारमा पोस्टरमादेखिएका समीरलाई अनमोलले लुकिङ फरवार्ड टु दिस लेखेका हुन् ।

अनमोलले समीरलाई बधाई मात्रै दिएनन्, सन्तोष सेनको सिनेमा ‘बलिदान’ युटिलाई शुभकामना भने र मेघा प्रोजेक्टको संज्ञा पनि दिए । आसुसेन टिम, सन्तोष सेन र प्रेम पुरीलाई बधाई भनेका छन् । त्यसो त अनमोल समकालीन कलाकारको गुड विसर पनि हुन् । उनी नयाँ हुन् वा समकालीन शुभकामना दिन्छन् । मिडिया र सिने वृत्तमाअनमोलकै प्रतिस्पर्धी भनेर हेरिरहेका कलाकारलाई पनि अनमोल बिनासंकोच शुभकामना दिइरहेका हुन्छन् ।

यो सभ्य समाज र सभ्य व्यक्तिको परिचायक पनि हो । एकले अर्कोको रिस र डाह गरेर होइन मिलेर गए मात्रै वास्तवमा कुनै पनि क्षेत्रमाथि उठ्छ । यसका लागि खुला ह्रदय चाहिन्छ । जुन अनमोलले देखाउने गरेका छन् ।

शुक्रबार बिहान जब सन्तोष सेनले आफू ‘बलिदान’का लागि नेपाली सिनेमा उद्योगलाई डोर्याउन सक्ने युगपुरुष कलाकारको खोजीमाथिएँ, त्यो व्यक्ति लामो समयको खोजी र पर्खाइपछि पाएको भन्दै समीर भट्ट फिचर्ड ‘बलिदान’को पोस्टर सार्वजनिक गरे ।

त्यसपछि नेपाली सिने नगरीमा दिनभर ‘बलिदान’को पोस्टरले चर्चा पायो । सामाजिक सञ्जाल रंगियो । धेरै सिनेमाकर्मीले पोस्टर सार्वजनिक गर्दै समीरलाई स्वागत गरे । सन्तोष सेनलाई आगामी सिनेमा ‘बलिदान’का लागि शुभकामना दिए ।

अभिनेता दीपकराज गिरीले फेसबुकमा ‘बलिदान’को पोस्टर  सार्वजनिक गर्दै लेखे, ‘सन्तोष सेन एक समर्पित सिनेमा निर्माता । उनले घोषणा गरेको पछिल्लो सिनेमा एक्सन जनरामा बनिरहेको छ । जुन सिनेमा मित्र बिराज भट्टका पुत्रको डेब्यु हुँदैछ । सबैको लागि फलदायी रहोस् । यो ‘बलिदान’ । म र मेरो समूहको तर्फबाट शुभकामना ।’

निर्देशक दीपेन्द्र के खनाल पोस्टर सेयर गर्दै लेख्छन् – वाह सन्तोष सेनजी ।  शुभकामना छ सम्पूर्ण टिमलाई ।

अभिनेत्री ऋचा शर्मा पोस्ष्ट सेयर गर्दै लेख्छिन्, ‘बलिदान’बाट नेपाली सिनेमामा डेब्यु गर्न लाग्नु भएका समीर भट्टलाई स्वागत तथा बधाई ।

सन्तोषले आफूले गुड लुकिङ एक्सन हिरो जो स्वर र अभिनयमा पोख्त छ, त्यस्तो हिरोको खोजीमा रहेको र भनेजस्तै व्यक्ति फेला पारेको बताए । सन्तोषले आफ्नो एक्सन सिनेमाको मुख्य भूमिकामा अनुबन्ध गराएका समीर उनै नेपाली सिनेमाका एक्सन सुपरस्टार बिराज भट्टका छोरा हुन् ।

जो दश वर्षदेखि मुम्बई बसेर नेपाली सिनेमाका लागि तयारी गरिरहेका थिए । उनी दश वर्षदेखि मार्सल आर्ट, जिम्यास्टिक, थिएटरलगायत कक्षा लिइरहेका थिए । मुम्बईमा निकै पपुलर रहेको नमित कपुरको एक्टिङ इन्स्टिच्युटमा उनले एक्टिङ सिकेका छन् । डान्सको कक्षा लिएका छन् । दश वर्षदेखि मुम्बईमा बसेर समीरले सिनेमाका लागि आवश्यक तयारी गरेका थिए ।

समीरले लामो तयारी गरेर सिनेमा उद्योगमा प्रवेश गर्ने तयारी गरिरहेका छन् । भनिन्छ, एकता नै बल हो । एकतामै शक्ति हुन्छ । तर धेरैलेभोग्दै आएरको र गर्दै आएको एउटै टिप्पणी नेपाली रजतपटमा एकता छैन । रिस, द्वेष र खुट्टा तान्ने प्रवृत्ति छ । मौका पाउने बित्तिकै छिर्के हान्नेको बाहुल्यता छ ।

तर, यही बीचमा अनमोलजस्ता पात्र पनि छन्, जो आफैँमा सुपरस्टार भएर पनि अर्को नवआगन्तुक कलाकारलाई स्वागत गर्छन् । शुभकामना दिन्छन् । राम्रो छ भनेर प्रशंसा गर्छन् । यस्तै वातावरणले हो आफू रहेको उद्योग फस्टाउने । त्यसैले म र मेरो मात्रै होइन अनमोलले जस्तो हामी भन्न सकौँ । राम्रोको तारिफ गर्न सिकौँ । गुण र दोषका आधारमा राम्रो र नराम्रो भनौँ ।

देशको अस्मिता जोगाउन एक युग पुरुष कसरी जन्मिछ भन्ने कथामा सिनेमा ‘बलिदान’ बन्न लागेको छ । परिवर्तन र पहिचानका नाममा सोझासिधा जनतालाई रक्तपातपूर्ण आन्दोलनमा होमिन लगाई बलिको बोको बनाएर राज्य सत्तामा पुगेर रजाइँ गर्दै राज्यकोअस्मिता लुट्ने कुटिल व्यक्तिहरूलाई सिधाउने कथा ‘बलिदान’ले भन्ने छ ।

आसुसेन फिल्मस् प्राली तथा सन्तोष सेनको प्रस्तुति रहने सिनेमामा निर्माताको रूपमा पवन ब्राडफोर्ड बिस्ट छन् । सह-निर्माता प्रेम पुरीछन् ।