हाउसफूल ब्यापारपछि ‘बोक्सीको घर’लाई मल्टिप्लेक्सले थपे शो

काठमाडौं । नेपाली सिनेमा उद्योगमा निर्माता र प्रदर्शकबीच सधैँ एउटै विषयमा द्वन्द्व छ– र त्यो हो शो बाँडफाँट ।नेपाली सिनेमालाई हलले उचित शो नदिएको निर्माताले गुनासो गर्दै आएका छन् ।

तर, आजबाट प्रदर्शनमा आएको सिनेमा ‘बोक्सीको घर’ले दर्शकको माग भए प्रदर्शकले शो जति पनि उपलब्ध गराउने पुष्टि गरेको छ ।

देशकै ठूलो मल्टिप्लेक्स क्यूएफएक्स चेनमा उच्च शो पाएको ‘बोक्सीको घर’ आज धेरै हलमा हाउसफूल भयो । ललितपुरको लाबिम, काठमाडौंको सिभिल, भक्तपुरको भाटभटेनीस्थित क्यूएफएक्सका अधिकांश शो हाउसफूल भए । अन्य हलमा पनि आज यो सिनेमाकाधेरै शो हाउसफूल भए । हाउसफूल नभएका हलमा पनि सिनेमामा उच्च अकुपेन्सी थियो ।

बुधबार अग्रिम टिकटक बुकिङ खोल्दै क्यूएफएक्सले ‘बोक्सीको घर’लाई काठमाडौं उपत्यकामा २४ र मोफसलमा ३२ शो दिएको थियो।

नेपालको दोस्रो ठूलो मल्टिप्लेक्स आईएनआई सिनेमाजले आफ्ना तीनवटा आउटलेटमा १८ शो, बिग मुभिजले ७,एफक्यूबले ७ , वानसिनेमाज कालिमाटीले ५ शो दिएका थिए । अन्य मल्टिप्लेक्सहरूेल पनि उच्च शो प्रदान गरेका थिए ।

अग्रिम टिकट बुकिङ खोल्दा काठमाडौंमा क्यूएफएक्समा २४ शो पाएको ‘बोक्सीको घर’ले शनिबार ३८ शो पाएको छ । यसमध्येललितपुरको लाबिम मलले मात्रै ९ वटा शो प्रदान गरेको छ । सिभिल मलमा ८ शो पाएको छ । लाबिमका भोलि शनिबारका अधिकांश शो आजै फाष्ट फिलिङमा गएका छन् । केही शो हाउसफूल हुने क्रममा छन् । सिभिलमा पनि राम्रो अकुपेन्सी देखिएको छ ।

यो सिनेमाले शनिबार मोफसलमा क्यूएफएक्सका आउटलेटमा ४२ शो पाएको छ । जब कि टिकट बुकिङ खुल्दा शुक्रबारलाई ३२ शोदिएको थियो । भोलि क्यूएफएक्समा आउटलेटमा यो सिनेमा ८० शोज पाउनेछ । जबकी आज ५६ शो पाएको थियो । आजभन्दा २४शो धेरै भोलिलाई पाएको छ । अझै शो थपिनेक्रम जारी छ ।

अन्य मल्टिप्लेक्समा पनि करिब यही अनुपातमा शो बढेको र बुकिङ पनि राम्रो देखिएकाले ‘बोक्सीको घर’ले शनिबार आक्रामककलेक्सन गर्ने आंकलन गरिएको छ । आजको बक्सअफिस रिपोर्ट आइनसके पनि शो र अकुपेन्सी उच्च भएकाले राम्रो कमाइ गरेको छ।

सुलक्षण भारतीको लेखन तथा निर्देशन रहेको चलचित्रमा बद्री केकी अधिकारी मुख्य भूमिकामा छिन् । केकी यो सिनेमाकी निर्मात्री पनिहुन् ।

सामाजिक थ्रिलर जनरामा निर्माण भएको सिनेमाले समाजमा प्रचलित ‘बोक्सी’ कुप्रथालाई चित्रण गरेको छ । महिलालाई बोक्सीकोआरोप लगाई समाजले उनीहरूमाथि गर्ने शोषणको वरिपरि रहेर सिनेमा निर्माण भएको हो ।