द सिनेमा टाइम्स, काठमाडौं । हास्य कलाकार सुलेमान शंकर (ईकु) पक्राउ परेका छन् । प्रहरीले उनलाई काठमाडौं बूढानीलकण्ठको हात्तीगौंडाबाट पक्राउ परेका हुन् ।

कलाकार भिषामा युरोप पठाउने भन्दै लाखौँ रकम ठगी गरेको आरोपमा उनलाई प्रहरीको केन्द्रीय अनुसन्धान ब्युरो (सीआईबी)को टोलीले पक्राउ गरेको हो ।

नेपाली सांस्कृतिक कार्यक्रमहरुमा आवश्यक पर्ने कलाकारको रुपमा कलाकार भिषामा क्यानडा, अष्ट्रेलिया तथा युरोपमा लैजाने भन्दै लाखौँ रुपैयाँ असुल गरेको सीआईबीले जनाएको छ ।

उनको ग्लोबल आईएमआई बैंकमा रहेको खातामा प्रतिव्यक्ति १५ देखि २० लाख रुपैयाँ जम्मासमेत भएको सीआईबीले जनाएको छ ।