द सिनेमा टाइम्स, काठमाडौं – आज शुक्रबारबाट कुनैपनि फ्रेस नेपाली सिनेमा प्रदर्शनमा आएको छैन् । यो साता नयाँ वर्षको अवसर पारेरर रिलिज भएका दुई नेपाली सिनेमा ‘ए मेरो हजुर ३’, ‘यात्रा’ र बलिउड सिनेमा ‘कलंक’को दबदबा नेपाली सिनेमा घरमा रहने छ । यो शुक्रबार बलिउडको प्रतिक्षित सिनेमा ‘कलंक’को चेपुवामा पर्ने डरले कुनैपनि ठुला र नाम चलेका व्यानरले आफ्नो सिनेमा रिलिज गर्ने हिम्मत जुटाउन सकेनन् । भने, आगमी शुक्रबार अर्थात वैशाख १३ गतेपनि हलिउडको प्रतिक्षित सिनेमा ‘एभेञ्जरः एण्ड गेम’का कारण कुनै पनि ठुला र नाम चलेका व्यानरका सिनेमा रिलिज हुने छैनन् ।

बैशाख १३ गतेबाट ‘छक्का पञ्जा २’ रि-रिलिज हुँदैछ । भने, सानो बजेटको सिनेमाका ‘कालो वर्ष’ फ्रेस सिनेमाको रुपमा रिलिज हुने छ । यो दुई हप्ता कुनैपनि ठुलो व्यानरका सिनेमा रिलिज नहुनुको प्रत्यक्ष फाइदा अनमो केसी र सलिनमान बनिया स्टारर सिनेमा ‘ए मेरो हजुर ३’ र ‘यात्रा’लाई हुनेछ । ‘ए मेरो हजुर ३’ले बम्पर व्यापार गरिरहेको छ । भने, यात्राका निर्माता मध्येका एक केशव भट्टराईले ‘ए मेरो हजुर’को तुलनामा ‘यात्रा’को व्यपार नभएतापनि मेगास्टार अनमोल केसीका सिनेमासँग जुत्रेका यसअघिका सिनेमाको जस्तो हालत ‘यात्रा’को नभएकाले आफु सन्तुष्ट रहेको बताए ।

स्टार र फ्यानविचको साँगीतीक प्रेमकथामा निर्माण भएको सिनेमालाई अभिनेत्री झरना थापाले निर्देशन गरेकी हुन् । यो सिनेमालाई सुनिल कुमार थापाले निर्माण गरेका हुन् । यही सिनेमाबाट निर्माता सुनिल कुमार थापा र निर्देशक तथा अभिनेत्री झरना थापाले छोरी सुहाना थापालाई नेपाली सिनेमा क्षेत्रमा डेव्यु गराउँदै छन् । सिनेमामा अनमोल केसीको डबल रोल रहेको छ । ‘ए मेरो हजुर ३’ले पाएको चर्चा परिचर्चा हेर्दा सिनेमाले बम्पर ओपनिङ गर्ने आशा सिनेमाकर्मीलाई छ ।

सुहाना इन्टरटेनमेन्टको व्यानरमा निर्माण भएको सिनेमामा अनमोल र सुहानाका अलवा अपर्ण थापा, सलोन बस्नेत, रविन्द्र झा, सरोज खनाल, विशाल पहाडी, रेयर राई, रुपा घिसिङ, रक्षा गौतम लगायतका कलाकारको पनि अभिनय रहेको छ । सिनेमामा झरना थापा र सुमन पौडेलको कथा, छेतेन गुरुङ, प्रतिक पौडेल, बाबुराम दाहाल र सुमन पौडेको पटकथा तथा संवाद, सञ्जय लामाको छायांकन, कविराज गहतराज, प्रविन सिंह, राहुल शाह र रामजी लामिछानेको कोरियोग्राफी, हिमाल केसीको द्धन्द्व, दिर्घ खड्काको सम्पादन रहेको छ ।

कोटकी कालिका देवीफिल्म्स प्राइभेट लिमिटेड, क्रिएटिभ फिल्म प्रोडक्सन र हरि ओम सिने मेकर्सको ब्यानरमा निर्माण भएको सिनेमाका प्रस्तुतकर्ता केशव भट्टराई र चिज कुमार श्रेष्ठ हुन् । सिनेमामा बिक्रम पराजुली, मुक्ति तिम्सिना र राम शरण घिमिरे सह निर्माताको रुपमा रहेका छन् । भने सिनेमाका निर्माता सुशील पोखरेल र कार्यकारी निर्माता सर्जुमान लिगल हुन् ।

यात्रामा सलिनमान बनियाँ, डेब्यु गर्ल मलिका महत, प्रेक्षा बज्राचार्य, रेयर राई, जान्वी बस्नेत, विशाल कटुवालका अलवा सलोन बस्नेत, जय नन्द लामा, धिरेन शाक्य, राजाराम पौडेल, विशाल कटवाल, समृद्धि राई, योगेश जंग कुँवर, इश्वर पौडेल, नानीकाजी डंगोल, राजेश बिसुराल, इश्वर पौडेल, बिशाल पहाडी, प्रजोल भट्टराई, देशभक्त खनाल, कमल मैनाली, सौगात शर्मा लगायतका कलाकारको अभिनय रहेको छ ।

यसका साथै विदेशी कलाकारहरु चाइनाका जुन झाङ र केन्याका बबीको पनि अभिनय रहनेछ । सिनेमा बालकलाकारको रुपमा पछिल्लो समय युट्युबमा चर्चा रहेका अंकित संग्रौला र एन्जल राई रहेका छन् । सिनेमामा सञ्जय लामाको छायांकन, कविराज गहतराज र प्रविन सिंहको कोरियोग्राफी, हिमाल केसीको द्वन्द, वरिष्ठ संगीतकार शम्भुजित बास्कोटाको, प्रतिक पौडेल र कोविद बज्रको संगीत, बनिश शाहको सम्पादन रहेको छ ।