द सिनेमा टाइम्स, काठमाडौं – शनिबार राजधानीमा आयोजित एक भव्य कार्यक्रमका विच ‘इएनआई डि सिने अवार्ड २०७६’ सम्पन्न भएको छ । एघारौं ’डि सिने अवार्ड २०७६’ मा पछिल्लो वर्षको दशैंमा प्रदर्शनमा आएको सुपरहिट सिनेमा ‘छक्का पञ्जा ३’ ले सर्वाधिक ८ विधामा अवार्ड जितेको छ ।‘छक्का पञ्जा ३’ले उत्कृष्ट सिनेमा, उत्कृष्ट गायक, उत्कृष्ट गायिका, उत्कृष्ट लोक संगीत, उत्कृष्ट हास्यकलाकार, उत्कृष्ट चरित्र अभिनेत्री, उत्कृष्ट सम्पादन र उत्कृष्ट निर्देशकको अवार्ड आफ्नो पोल्टामा पारेको हो । उत्कृष्ट निर्देशकको थाप्न निर्देशक दीपाश्री निरौला स्टेज चढेकी थिइन् ।यस्तै नयाँ वर्ष २०७६ को अवसर पारेर चैत्र २९ गतेबाट प्रदर्शनमा आएको सिनेमा ’यात्रा’ ले पनि क्रिटिक्स अवार्डसहित ६ विधामा अवार्ड जितेको थियो । सिनेमाले उत्कृष्ट द्वन्द्व निर्देशक, उत्कृष्ट पटकथा, उत्कृष्ट नव-निर्देशक, उत्कृष्ट सह-अभिनेता, उत्कृष्ट अभिनेता, अवार्ड प्राप्त गरेको हो । डि सिने अवार्डमा ’यात्रा’ बाट सलिनमान बनियाले उत्कृष्ट अभिनेताको अवार्ड उचाल्दा मंसिरमा प्रदर्शनमा आएको सिनेमा ’प्रसाद’ बाट नम्रता श्रेष्ठले उत्कृष्ट अभिनेत्रीको अवार्ड हात पारिन् ।उक्त अवार्ड कार्यक्रममा बरिष्ठ अभिनेता नीर शाहलाई छायाँछवि लाइफटाइम लिजेण्ड्री अवार्ड, गायिका देवीका बन्दना र निर्देशक शोभित बस्नेतलाई छायाँछवि सिनेमाकर्मी रजत सम्मान प्रदान गर्नुका साथै पत्रकार अनन्त वाग्लेलाई छायाँछवि चलचित्र पत्रकारिता पुरस्कार पनि प्रदान गरिएको थियो ।

अवार्ड विजेताहरुको पूर्ण सूची :-