द सिनेमा टाइम्स, काठमाडौँ – महानायक राजेश हमालका भाई राकेश हमालको बुधबार निधन भएको छ । दिल्लीस्थित ह्याम्स अस्पतालमा लिभर उपचारको क्रममा राकेशको निधन भएको हो ।
भाईको निधन पश्चात राजेशले सामाजिक संजालमा भावुक पोस्ट गरेका छन् । बाल्यकालको फोटो शेयर गर्दै राजेश लेख्छन, ‘गुड बाई काकु । तिमीले सधैँ शान्ति पाउनु ।’
राजेश र राकेश दुवैको परिवार काठमाडौँको कपूरधारास्थित निवासमा सँगै बस्दै आइरहेका थिए । राजेश र राकेश बाल्यकालदेखि नै नजिक थिए । राकेशका एक पत्नी र दुई सन्तान छन् ।
राकेशको पार्थिव शरीर अन्तेष्टिका लागि काठमाडौँ ल्याइदैछ । उनको अन्तिम संस्कार पशुपति आर्यघाटमा हुनेछ ।
प्रतिक्रिया