द सिनेमा टाइम्स, काठमाडौं – शनिवार पाँचतारे होटल सोल्टी क्राउन प्लाजामा चलचित्र प्राविधिक संघको आयोजनामा ‘१०औं नेफ्टा अवार्ड’ सम्पन्न भएको छ । अवार्ड समारोहमा सिनेमा ‘छक्का पञ्जा ३’ र ‘प्रसाद’ले सर्वाधिक ६/६ विधामा अवार्डमा जित्दै आफ्नो वर्चश्व कायम गरे ।

नेफ्टा अवार्डमा ‘छक्का पञ्जा ३’ उत्कृष्ट सिनेमा घोषित हुँदा ‘प्रसाद’बाट विपिन कार्कीले उत्कृष्ट अभिनेता र ‘साइँली’बाट मेनुका प्रधानले उत्कृष्ट अभिनेत्रीको अवार्ड हात पारे । ‘छक्का पञ्जा ३’बाट दीपाश्री निरौलाले उत्कृष्ट निर्देशकको अवार्ड पाउँदा ‘हरी’ले जुरी अवार्ड पायो ।

त्यस्तै, पपुपल अभिनेताको अवार्ड अनमोल केसी र पपुलर अभिनेत्रीको अवार्ड साम्राज्ञी राजयलक्ष्मी शाहले प्राप्त गरे । नफ्टा अवार्डमा साउन्ड इन्जिनियर प्रदीपकुमार उपाध्याय र प्रकाश व्यवस्थापक नारायण तिमिल्सीनालाई ५१ हजार १ सय ११ नगदसहित ‘दीर्घ साधना सम्मान अर्थात लाइफ टाइम एचिभमेन्ट अवार्ड’ प्रदान गरियो ।

२०७५ सालमा प्रदर्शित सिनेमालाई अवार्ड प्रदान गरिएको थियो । उपराष्ट्रपति नन्दबहादुर पुनको प्रमुख आतिथ्यतामा सम्पन्न अवार्ड समारोहमा नयाँ तथा पुराना कलाकारको बाक्लो उपस्थीति रहेको थियो । कोरोनाले धरासायी भएको नेपाली सिनेमा क्षेत्रलाई ‘नेफ्टा अवार्ड’ले चलायमान बनाउने विश्वास आयोजक संस्थाको छ ।

यस्तो छ अवार्ड जितेको सूची :-