द सिनेमा टाइम्स, काठमाडौं – निर्माता मोहन कृष्ण श्रेष्ठले चलचित्र प्राविधिक मान ब. तामाङ परिवालाई उपचारको लागि आर्थिक सहयोग गरेका छन् । उनले तामाङको उपचारका लागि २० हजार रुपैयाँ हस्तान्तरण गरेका छन् ।

३० वर्ष देखि सिनेमा क्षेत्रमा सक्रिय रुपमा काम गर्दै आएका तामाङको लढेर हात भाचिएको छ । त्यस्तै, उनकी कान्छी छोरी सुष्मा तामाङमा पनि मुटु, फोक्सो, टिबी र थाइराइटको समस्या देखिएको र फोक्सोबाट दुई पटक पानी निकालिसक्दा पनि कम नभएपछि अपरेसन गर्नु पर्ने बताइएको छ ।

निर्माता श्रेष्ठले ‘कन्यादान, राज, जंजीर, पुनर्जन्म, वर्षात’ लगायत सिनेमा बनाएका छन् ।